अशोक झा…
राजविराज, १४ असोज । 
मित्र राष्ट्र भारतबाट सप्तरीका एकजना युवतीको उद्धार गरिएको छ ।
सप्तरीको दौलतपुर गाउँपालिका वडा नं. ३ बस्ने १८ वर्षीया विपना चौधरीलाई प्रहरीले उद्धार गरेको हो। सशस्त्र प्रहरीको टोलीले नेपाल–भारत सीमा क्षेत्रबाट बुधबार उद्धार गरेको हो। युवतीलाई भारत लाने एक महिला र दुई पुरुषलाई प्रहरीले पक्राउ गरेको छ।
युवतीलाई फकाएर भारतको विहार राज्यतर्फ लाँदै गरेको अवस्थामा सुनसरीको कोसी गाउँपालिकास्थित भाण्टावारी नाकाबाट सशस्त्र प्रहरीले उद्धार गरेको हो। प्रहरीले युवती भारत लाने सप्तरीको अग्नीसाइर कृष्णसवरण गाउँपालिका वडा नं. ४ का २९ वर्षीय साहिल मन्सुरी, सप्तरीकै शम्भुनाथ नगरपालिका वडा नं. ७ की २२ वर्षीय सुचिनकला चौधरी र सिराहाको लहान नगरपालिका वडा नं. १९ का ३२ वर्षीय जिवछ साहलाई पक्राउ गरिएको छ ।
युवतीलाई सुरुमा सुचिनकलाले फकाएको अनुसन्धानबाट खुलेको छ। उनले फकाएपछि मन्सुरी र साहले मन्दिरमा पूजा गर्न हिँडेको भन्दै सीमा क्षेत्र कटिसकेको अवस्थामा एसएसबीको थप सहयोगमा युवतीको उद्धार गरिएको सुनसरी प्रहरीले जनाएको छ ।
सशस्त्र प्रहरीले प्रारम्भिक अनुसन्धान गरेर आवश्यक कारवाहीका लागि लागि चारैजनालाई जिल्ला प्रहरी कार्यालय सुनसरीको जिम्मा लगाएको छ। 
सूचना
- गौरवका योजनाहरु ध्वस्त पार्दै मधेश सरकारः मा. मनिष सुमन
- जसपा नेपालको माग वेवास्ता गरिए सरकार विरुद्ध सर्षघमा उत्रिने
- विगतका गौरवका योजनाहरु ध्वस्त पार्दै वर्तमान सरकारः मा. मनिष सुमन।
- सिरहामा मैथिल ब्राह्मण महासभा सम्पन्न ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति
- विकासको महत्व र आवश्यकता
- नेपाल वैश्य कल्याण महासंघद्वारा नव निर्वाचित समितिलाई प्रमाणपत्र वितरण ।
- नेपाल थारु संघ सिरहाकाे प्रथम जिल्ला भेला सम्पन्न ।
- तराईको मिथिला क्षेत्रमा चौरचन पर्व सम्पन्न
All Rights Reserved @ Emadhesh News