ईमधेश न्यूज सम्वाददाता,
राजविराज, २७ फागुन ।
हिन्दु स्वयंसेवक संघ सप्तरीद्वारा आयोजित स्वामी विवेकानन्द संस्कृति ज्ञान परीक्षामा प्रथम, द्वितीय र तृतीय तथा सान्त्वना भएका छात्रछात्राहरुलाई पुरस्कार वितरण गरिएको छ ।
संघका सप्तरी संचालक भोगेन्द्र झाको अध्यक्षता तथा सप्तरी उद्योग वाणिज्य संघका अध्यक्ष लालबाबु अग्रवालको प्रमुख आतिथ्यमा सम्पन्न ज्ञान परीक्षामा ५० वटा निजी तथा सामुदायिक विद्यालयका करिब ८ सय ५५ जना छात्रछात्राहरु सहभागीता जनाएका थिए ।
परीक्षाबाट २३ जना छात्राछात्राहरुले शतप्रतिशत अंक ल्याएका छन् भने गोलाप्रथाबाट प्रथम, द्वितीय , तृतीय तथा सन्त्वना चयन गरिएको छ ।
गोलाप्रथाबाट राजेश्वरी माध्यमिक विद्यालय मौआहामा कक्षा ९ मा अध्ययनरत रमेश कुमार मण्डल प्रथम, दुर्गा सेकेण्ड्री माध्यमिक विद्यालय राजविराजमा कक्षा १० मा अध्ययनरत श्रेयस मिश्र दोस्रो, भसराज माध्यमिक विद्यालय कल्याणपुरमा कक्षा ९ मा अध्ययनरत भरत प्रसाद मण्डल तेस्रो स्थान प्राप्त गरेका छन्
।
प्रमुख अतिथीले विजयी छात्रछात्राहरुलाई पुरस्कार वितरण गरेका थिए ।
