शिक्षकद्वारा मन्त्री यादवलाई स्वागत

अशोक झा
राजविराज, २ श्रावण ।                                                              नव नियुक्त कृषि तथा पशुपंक्षी विकास मन्त्री मृगेन्द्र कुमार सिंह यादवलाई राजविराजमा सोमवार भव्य स्वागत गरिएको छ ।
राजविराज नगरपालिका वडा नं. ७ स्थित उनकै निवास पुगेका जिल्लाभरिका शिक्षक संगठन तथा शिक्षकहरुको एक समूहले फुलमाला, अबिर तथा मिठाई गम्छासहित बधाई तथा स्वागत गरेका हुन् ।
नेपाल शिक्षक महासंघका केन्द्रिय सदस्य दिनेश कुमार यादवको नेतृत्वमा गएको टोलीमा नेपाल शिक्षक महासंघका जिल्ला सहअध्यक्ष सुरेश हुमार यादव, राष्ट्रिय शिक्षक मंचका जिल्ला उपाध्यक्ष मोहन यादव, नेपाल प्याब्सनका केन्द्रिय महासचिव शम्भु कुमार यादव ,केअ मावि राजविराजका प्रधानाध्यापक योगेन्द्र यादव, राष्ट्रिय शिक्षक मंच राजविराजका नगर संयोजक रामानन्द यादव, नेपाल प्याब्सन जिल्ला सचिव रामनाथ महतो, एन प्याब्सन सप्तरी जिल्लाका वरिष्ट सल्लाहकार तथा पूर्व अध्यक्ष बौकु साह, प्याब्सनका केन्द्रिय सदस्य देबानन्द चौधरी, शिक्षक महासंघका बोदेबर्साइनका नगर संयोजक हेमकिशोर यादव, शिक्षक संगठन जिल्ला अध्यक्ष वैद्यनाथ यादव, राष्ट्रिय शिक्षक मंच केन्द्रिय सदस्य सुभाष साह, जिल्ला अध्यक्ष सुकदेव यादव, नेपाल शिक्षक संघ हनुमाननगर संयोजक राज़ देव यादव, लगायतका सायैं शिक्षकको उपस्थित रहेको थियो ।