रोमाञ्चक क्रिकेटमा तिलाठी एलेभनको जित

अशोक झा
राजविराज, ०२ चैत्र । सप्तरीको तिलाठी कोइलाडी गाउँपालिकामा संचालित नेपाल भारत मैत्री टी–२० क्रिेकट प्रतियोगिता अन्तर्गत बुधवार सम्पन्न खेलमा चन्दन एलेभन स्टार तिलाठीले जित हात पारेको छ ।
टस हारेर पहिले ब्याटिङ्ग गरेका तिलाठी टिमले १ सय ९६ रनको योगफल तयार गरेको थियो । जसमा विसन्त विक ५०, श्रवण ४२ र आलोक २४ रनको योगदान दिएका थिए भने रंजितपुरका लागि विक्रान्त, संजित र अजयले समान २÷२ विकेट लिएका थिए ।
एक सय १९७ रनको विजयी लक्ष्य सहित मैदानमा आएका रंजितपुर राइडर्स निर्धारित २० ओभरमा ९ विकेट गुमाई १ सय ७६ रन मात्र बनाउन सकेका थिए । रंजितपुरका लागि संजित ५० रनको योगदान दिएका थिए ।