लागु औषध सहित दास पक्राउ

अशोक झा,                                                                                                                                                                                           राजविराज, ०६ चैत । सप्तरीको हनुमाननगर कंकालिनी नगरपालिकाबाट प्रहरीको टोलीले अवैध लागु औषध सहित एकजनालाई पक्राउ गरेको छ । हनुमाननगर कंकालिनी नगरपालिका वडा नं. १४ रम्पुराबाट अवैध लागु औषध सहित राजविराज नगरपालिका वडा नं. १ निवासी रमेश कुमार दासलाई पक्राउ गरेको हो । पक्राउ परेको दासको संगबाट लेजिसिक ५१ एम्पुल, फेनारगन ५१ एम्पुल, डाइजेल्याब ५१ एम्पुल सहित जम्मा १ सय ५३ एम्पुल लागु औषध बरामद गरिएको छ । पक्राउ परेको दास उपर लागु औषध मुद्दा गरी सप्तरी जिल्ला अदालतबाट म्याद थप गराई अनुसन्धान प्रारम्भ गरिएको जिल्ला प्रहरी कार्यालय सप्तरीले जनाएको छ ।