अशोक झा,
राजविराज, ०५ चैत । सडक तथा नाला निर्माणको लागि ठेक्का लिएका कम्पनीको लापरबाहीले राजविराजमा दुर्घटनाको जोखिम बढेको छ भने सर्वसाधारणलाई पैदल हिडडुलमा समेत समस्या भई रहेको छ ।
सडक तथा नाला निर्माणको कार्यमा तिब्रता नदिदा नगरको मुख्य बजारसम्म पुग्न चारैतिरका सडकहरुमा निर्माण कार्यको लागि थुपारिएको निर्माण सामग्री तथा माटो उत्खनन गरिएर बनाइएको खाल्डोले सर्वसाधारणलाई अति नै समस्या भई रहेको छ ।
राजविराजको मुख्य सडक देखि राजदेवी मन्दिर, गजेन्द्र नारायण सिंह अस्पतालदेखि तेतरी गाछी चौकसम्म, अस्पतालदेखि महेन्द्र विन्देश्वरी क्याम्पस तथा अनेकौं मुख्य तथा सहायक सडकहरुको अवस्था पनि ठेक्का लिएका निर्माण कम्पनीको लापरबाहीले खतरनाक नै भएको छ ।
राजविराज नगरपालिका वडा नं. २ तेतरीगाछी चौक सडक खण्डमा नाला निर्माणसँगै सडक निर्माण कामको ठेक्का दिवा निर्माण सेवाले पाएको छ । ठेकेदार कम्पनीले नाला निर्माणको क्रममा ३ देखि ५ मिटरदुरीमा ठाउँ–ठाउँमा गहिरो खनेर होमपाईप हाल्ने काममा तिव्रता नदिएको कारण दुर्घटना बढाएको छ ।
ठेकेदार कम्पनीलाई नाला निर्माणसँगै सडक निर्माणको काममा तिव्रता दिनका लागि स्थानीयले आग्रह गरेपनि कम्पनीले कुनै ध्यान नदिएको स्थानीयहरुको भनाई छ ।
सूचना
- गौरवका योजनाहरु ध्वस्त पार्दै मधेश सरकारः मा. मनिष सुमन
- जसपा नेपालको माग वेवास्ता गरिए सरकार विरुद्ध सर्षघमा उत्रिने
- विगतका गौरवका योजनाहरु ध्वस्त पार्दै वर्तमान सरकारः मा. मनिष सुमन।
- सिरहामा मैथिल ब्राह्मण महासभा सम्पन्न ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति
- विकासको महत्व र आवश्यकता
- नेपाल वैश्य कल्याण महासंघद्वारा नव निर्वाचित समितिलाई प्रमाणपत्र वितरण ।
- नेपाल थारु संघ सिरहाकाे प्रथम जिल्ला भेला सम्पन्न ।
- तराईको मिथिला क्षेत्रमा चौरचन पर्व सम्पन्न
All Rights Reserved @ Emadhesh News