मोटर साईकल दुर्घटनामा २ जना घाईते र एकजनाको मृत्यू

भूपदेव माली,
राजविराज १५ माघ ।
सप्तरीको हनुमाननगर कंकालिनी नपा १ कोशी ब्यारेज स्थित नहरको सडकमा मोटर साईकल दुर्घटनामा पर्दा मोटर साईकल सवार २ जना सिकिस्त घाईते भएका छन् ।
पौष पुर्णिमाका दिन कोशी स्नान गर्न स.३ प ३०४७ नं. का मोटर साईकलबाट हिडेका तिलाठी कोईलाडी गापा ३ बस्ने सकरपुराका शिव कुमार मुखिया, राम कुमार मुखिया र राम अवतार खंग विहिवार विहान ६ः२० बजे कोशी ब्यारेज स्थित नहरको सडकमा कुहिरोका कारण बाटो नदेखेर पुरानो विग्रिएर रोकी राखेको रोलरमा ठोकिदा सो दुर्घटना भएको हो ।
मोटर साईकलमा सवार तिनजना मध्ये रामकुमार मुखिया तथा शिव कुमार मुखियाको अवस्था चिन्ताजनक रहेको मध्ये एकजनाको विराटनगर स्थित गोल्डेन अस्पतालमा उपचारको क्रममा मृत्यू भएको छ ।
दुर्घटनामा परेका तिनै जना घाईतेहरुलाई एमबुलेन्स द्वारा विराटनगर लगिएको इलाका प्रहरी कार्यालय भारदहका प्रमुख प्र.ना.नि. बद्री रायले जानकारी गराए ।
मोटरसाईकल इलाका प्रहरी कार्यालय भारदहको नियन्त्रणमा रहेको छ ।